Sem minnir mig á...

Hvar gisti hann Ron Jeremy þegar hann kom til Íslands?  Hvar verslaði hann?  Fór hann í Bláa Lónið?  Hafa feministar og aðrir mótmælendur kláms átt viðskipti við þá staði sem hann steig fæti á???

Annars er það þessi setning sem fer pínulítið í taugarnar á mér:

„Guðrún segir að Vilhjálmur Þ. Vilhjálmsson borgarstjóri hafi strax brugðist við af mikilli röggsemi og lýst því yfir að Reykjavík vildi ekki hafa svona samkomur innan borgarmarkanna.”

Er Vilhjálmur „Reykjavík?” Getur hann talað svona fyrir hönd íbúa heillar borgar sem hefur svo augljóslega afskaplega skiptar skoðanir í þessu máli?  Það var aldrei gerð nein könnun á afstöðu fólks svo að hann hefur engar forsendur til að fullyrða það að Reykvíkingar (eða Reykjavík, þarna virðist borgin vera persónugerð) hafi eina augljósa skoðun umfram aðrar í þessu máli.

En nei, þarna situr hann með tæpasta meirihluta borgarstjórnar í langan tíma og lýsir því yfir að hans skoðun sé skoðun allra.  Þessir pólitíkusar eru svakalegir þegar þeir taka sig til...

 

Stígamót segja þjóðina hafa staðið saman og hafnað kláminu

Athugasemdir

[J. Einar V. Bjarnason Maack (IP-tala skráð) 23.2.2007 kl. 11:26]

Þetta er sambærilegt við það þegar flokksbróðir Villhjálms gerði íslensku þjóðina samseka stríðsæsingum BNA án þess að spyrja kóng eða prest, hvað þá þau (í það minnsta) 85% landsmanna sem skoðanakannanir sýna að eru á móti þessu stríði....

Ég held að það vanti nýtt pólitískt landslag á Ísland í dag, þegar gerræðistilburðir koma fram úr öllum áttum og langsamlega flestir virða lýðræðið og stjórnarskránna að vettugi og láta sveipast með í múgæsingi og lýðsskrumi.

[Heimir Lárusson Fjeldsted, 23.2.2007 kl. 13:16]

Borgarstjórn var einhuga aldrei þessu vant.

Enda um stórmál að ræða!

[Guðmundur G. Hreiðarsson (IP-tala skráð) 23.2.2007 kl. 23:48]

Ég kaus Villa, en ég lofa að gera það aldrei aftur!

[J.Einar V. Bjarnason Maack (IP-tala skráð) 24.2.2007 kl. 05:13]

Ég heiti ekki Hallur.

J.E.V.Bj.Maack